يام حبس كاتب الله رايد بيهن...........وقادر بعد ساعه حر تبقا فيهن
ايام حبس كاتبهن كريــــــــم الجاه.......ولا حيـــــــــله ولا قوه الا بالله
وما ملى جــوا يشغلك مطـــــــراه...... ايسيلن ادموعه سيل بمواقيهن
وما ملى يبكى مـاتجيب نبــــــــــاه.......ابكا دكنـــــونى غطياته راويهن
امفيت ربنا يفزع ما لنــــــــا نجاه........ايام الزهاه قادر ايعــود عليهن
ويسير حبسنا ماضى نجبدو ذكراه........وايام الشقا بره لعيلتى نحكيهن
غير كاتب الله رايد بيهن
ايام حبس كاتب الله علينـــــا .........وكاتب الفرج بين حين ايجينــــا
عفـــــو من عنده به ياتينـــــا ........ ويبقن حفـــالى يارب عجل بيهن
وننسو سيرت حبسنا يا اخينا......... ويبقن ذكـــره للخــــــــلا نطويهن
يارب يا عالـــم بالقلوب دفينا......... وعالم اللى سر جهر ما نشكيهن
اتجيب عفـــو رانا اليوم بكينا......... وعجل ابمطــارح منيتى نرعيهن
ايام حبس كاتب الله رايد بيهن
ايام حبس كاتبهن الله اتهــــون......... وانا لله وان اليه راجعــــــــون
كريم ربنا كاتب ايام اسجـــــون......... وقادر بعد ساعة بالفرج ياتيهن
امغير اصبر وربى كريم حنـون..........ايلبى امـــــــالك اللـــــــى تبيهن
وتوضا وصلى وكل شى ايهون......... كريـــم ربنا ينظر اظروفك فيهن
ايام رايد الله كاتب بيهن
الشاعر محمد المزداوي